HDMI
- Обрнете внимание дека поддршката за HDCP (High-bandwidth Digital Content Protection) може да го продолжи времето кое му е потребно на телевизорот за да прикаже содржини од HDMI уред.
- Ако телевизорот не го препознае HDMI уредот и не се прикаже слика, префрлете го изворот од еден уред на друг и потоа повторно назад.
- Доколку се изобличени сликата и звукот од уредот поврзан на HDMI, поврзете го уредот на друг HDMI приклучок на телевизорот и исклучете го и повторно вклучете го напојувањето на уредот-извор.
- Ако повремено има прекини во звукот, проверете дали излезни поставки од HDMI уредот се точни.
- Ако користите HDMI кон DVI адаптер или HDMI кон DVI кабел, проверете дали е поврзан дополнителен аудио кабел на AUDIO IN (само мини приклучок), доколку е достапен.
HDMI EasyLink не функционира
- Проверете дали вашите HDMI уреди се компатибилни со HDMI-CEC. EasyLink функциите функционираат само со уреди кои се компатибилни со HDMI-CEC.
Не се прикажува икона за јачина на звук
- Кога се поврзува HDMI-CEC аудио уред и го користите далечинскиот управувач од телевизорот за да го прилагодите нивото на јачината на звукот од уредот, оваа појава е нормална.
Не се прикажуваат фотографии, видео записи и музика од USB уред
- Проверете дали USB меморискиот уред е поставен да ја поддржува класата за масовно складирање, како што е опишано во документацијата на меморискиот уред.
- Проверете дали USB меморискиот уред е компатибилен со телевизорот.
- Проверете дали форматите на аудио датотеките и датотеките со слики се поддржани од телевизорот.
Испрекината репродукција на USB датотеки
- Перформансите за пренос на USB меморискиот уред може да ја ограничат стапката на пренос на податоци до телевизорот што предизвикува слаба репродукција.