Қауіпсіздік техникасы бойынша

Sony сауда белгісін, үлгі нөмірін және есептелген электр қуатын көрсететін өндіруші маркасы динамиктің төменгі сыртқы бөлігінде орналасқан.

MAC мекенжайы динамиктің төменгі сыртқы бөлігінде орналасады.

MAC1: сымды желілерге арналған MAC мекенжайы

MAC2: Wi-Fi желілеріне арналған MAC мекенжайы

• Динамикті пайдаланбастан бұрын динамиктің жұмыс жасау электр қысымы жергілікті қуат көзімен бірдей екенін тексеріңіз.
  • Сатып алынған жері: барлық елдер/аймақтар
  • Пайдалану қысымы: ел/аймаққа байланысты өзгешеленеді.

Aйнымалы ток адаптері туралы ескертпелер

• Aйнымалы ток адаптерін қосу не ажырату кезінде, алдымен, динамикті өшіріңіз. Әйтпесе, ақау орын алуы мүмкін.
• Тек берілген айнымалы ток адаптерін пайдаланыңыз. Динамикті зақымдаудың алдын алу үшін басқа айнымалы ток адаптерін пайдаланбаңыз.

  Ажыратып-қосқыш полярлылығы

  

• Aйнымалы ток адаптерін жақын арадағы қабырға розеткасына қосыңыз. Ақау пайда болған жағдайда оны қабырға розеткасынан дереу ажыратыңыз.
• Aйнымалы ток адаптерін кітап сөресі немесе кіріктірілген шкаф сияқты жабық аймаққа орнатпаңыз.
• Өрт не электр тогы қаупін азайту үшін айнымалы ток адаптерін су тамшылуы не сұйықтықтың шашырауы мүмкін жерлерге орнатпаңыз және ваза сияқты сұйықтықпен толтырылған заттарды айнымалы ток адаптеріне қоймаңыз.
• CE белгілеуінің жарамдылығы заңды түрде күшіне енгізілген жерге дейін шектеледі, көбіне ЕЭА (Еуропаның экономикалық аймағы) аймақтарында/елдерінде.

Жылы болатын негізгі бөлігі туралы

Егер динамикті ұзақ уақыт бойы пайдалансаңыз, негізгі бөлігі жылы болады. Бұл ақау емес.

Орнату бойынша

• Динамикті еңіс етіп орнатпаңыз.
• Динамикті ыстық көзінің жанында немесе күннің көзі түсуіне, шаң көп қонуына, ылғал, жаңбыр не механикалық импульстарға апарып соғуы мүмкін жерлерде қалдырмаңыз.

Жұмыс жасау бойынша

• Кез келген кішкентай заттарды, т.б. ұяға не динамиктің артқы жағындағы вентиляция саңылауына кірістірмеңіз. Динамик тұйықталуы немесе жұмыс істемеуі мүмкін.

Тазалау бойынша

• Корпусын тазалау үшін алкогольді, бензолды немесе еріткішті пайдаланбаңыз.

Басқалар

• Осы көмекші нұсқаулықта қамтылмаған динамикке қатысты қандай да бір сұрақтар немесе ақаулар болса, ең жақын жердегі Sony дилеріңізбен хабарласыңыз.
• Динамикті пайдалану немесе тастау кезінде оның барлық параметрлерін зауыттық әдепкілерге орнату үшін баптағаныңызды тексеріңіз.