Installering van toepassings vanaf die Google Play Store
Jy kan toepassings uit die Google Play Store op die TV installeer, net soos met slimfone en tablette.
Nota
- Jy kan slegs toepassings installeer wat met TV’s versoenbaar is. Dit kan verskil van toepassings vir slimfone/tablette.
- ’n Internetverbinding en en Google-rekening word vereis om toepassings vanaf die Google Play Store te installeer.
Wenk
- Indien jy nie ’n Google-rekening het nie of ’n gedeelde rekening wil skep, moet jy ’n nuwe rekening skep deur na die volgende webwerf te gaan.
https://accounts.google.com/signup https://accounts.google.com/signup
Die webwerf hierbo kan verskil afhangende van jou streek/land. Dit is ook onderhewig aan verandering sonder kennisgewing. Vir besonderhede, verwys na die Google-tuisblad. - Ons stel voor dat jy ’n Google-rekening op ’n rekenaar of mobiele toestel skep.
- Druk die HOME-knoppie, kies die
(Programme-ikoon) op die Tuiskieslys en kies Google Play Store op die toepassingslys.
As die verskafde afstandbeheer ’n APPS-knoppie het, kan jy die APPS-knoppie druk om die toepassingslys te vertoon. - Kies ’n toepassing om te installeer.
Nadat dit afgelaai is, word die toepassing outomaties geïnstalleer en bygevoeg. Die ikoon waarmee jy dit kan oopmaak, verskyn op die lys van geïnstalleerde programme.
Omtrent betaalde toepassings
Daar is gratis toepassings en betaalde toepassings in Google Play Store. Om ’n betaalde toepassing te koop, word ’n vooruitbetaalde Google Play-geskenkkaartkode of kredietkaartinligting vereis. Jy kan ’n Google Play-geskenkkaart by verskeie handelaars koop.
Om ’n toepassing te skrap
- Druk die HOME-knoppie, kies die (Programme-ikoon) op die Tuiskieslys, kies Google Play Store op die toepassingslys en kies My programme.
As die verskafde afstandbeheer ’n APPS-knoppie het, kan jy die APPS-knoppie druk om die toepassingslys te vertoon. - Kies ’n toepassing om te skrap, en deïnstalleer die toepassing.