Суреттерді 4K ажыратымдылықта көру (тек 4K модельдері)

Камераға сақталған жоғары ажыратымдылықты фотосуреттерді көрсету үшін HDMI 4K шығысын қолдайтын цифрлық фотокамераны/бейнекамераны теледидардың HDMI IN көзіне қосуға болады. Сондай-ақ, қосылған USB құрылғыларында немесе үй желісінде сақталған жоғары ажыратымдылықты фотосуреттерді көрсетуге болады. 4K немесе одан жоғары ажыратымдылығы бар суретті 4K ажыратымдылықта (3840×2160) көрсетуге болады.

Бұл функцияның қолжетімділігі аймаққа/елге байланысты.

1. Цифрлық фотокамера
2. Бейнекамера
3. USB құрылғысы
4. Желі құрылғысы

USB құрылғысында немесе желі құрылғысында сақталған суреттерді 4K ажыратымдылықта көру

1. USB құрылғысын немесе желі құрылғысын теледидарға қосыңыз.
2. HOME түймесін басып, бастапқы мәзірден (Қолданбалар белгішесі) параметрін таңдаңыз, содан соң [Медиа Oйнатқыш] құралын таңдаңыз.
   Егер бірге берілген қашықтан басқару құралында APPS мүмкіндігі болса, APPS түймесін басуға болады.
3. USB құрылғысының атауын немесе желі құрылғысының атауын таңдаңыз.
4. Қалтаны таңдаңыз, содан соң ойнатылатын файлды таңдаңыз.

Цифрлық фотокамерада/бейнекамерада сақталған суреттерді көру

1. HDMI шығысын қолдайтын цифрлық фотокамераны немесе бейнекамераны теледидардың HDMI IN штепселіне (сокеті) HDMI кабелі арқылы қосыңыз.
2. Қосылған құрылғыны таңдау үшін (Кіріс таңдау) түймесін қайталап басыңыз.
3. Қосылған құрылғыны 4K шығысына орнатыңыз.
4. Қосылған құрылғыда ойнатуды бастаңыз.

Қолданылатын файл пішімдерін тексеру

• Қолдау көрсетілетін файлдар мен пішімдер

Суреттерді жоғары сападағы 4K ажыратымдылықта көру

Суреттерді жоғары сападағы 4K ажыратымдылықта көру үшін HDMI сигнал пішімі параметрін Жақсартылған пішім күйіне орнатуға болады.

Жақсартылған пішім бөлімі немесе зарядтау параметрлері туралы қосымша ақпарат алу үшін Суреттерді жоғары сападағы 4K ажыратымдылықта көру параметрлері (тек 4K модельдері) бетін қараңыз.