Теледидарды интернетке/желіге жалғау мүмкін емес.

Қатысты параметрлер экранына өту үшін мәтін ішіндегі белгішесін таңдаңыз.

Егер сымсыз желі жалғанбаса немесе ажыратылса, келесі әрекеттерді орындап көріңіз.

HOME түймесін басып, келесі параметр қосылғанын тексеріңіз.
[Параметрлер] — [Желі және интернет] — [Wi-Fi]
Теледидар және сымсыз маршрутизаторды орнату орнын тексеріңіз. Сигнал күйіне келесі себептер әсер етуі мүмкін:
- Басқа сымсыз құрылғылар, микротолқынды пештер, жарық шамдар, т.б. жақын жерде орналасқан.
- Сымсыз маршрутизатор мен теледидар арасында едендер немесе қабырғалар бар.
Сымсыз маршрутизаторды өшіріп, қайта қосыңыз.
Егер қосылғыңыз келетін сымсыз маршрутизатордың желі атауы (SSID) көрсетілмесе, желі атауын (SSID) енгізу үшін [[Қолмен енгізу]] параметрін таңдаңыз.

Егер жоғарыдағы процедуралардан кейін де проблема жойылмаса немесе сымды желімен де жалғау мүмкін болмаса, желі қосылымының күйін тексеріңіз.

Желі қосылымының күйін тексеру

HOME түймесін басыңыз, содан соң [Параметрлер] — [Желі және интернет] — [Желінің күйі] — [Байланысты тексеру] параметрін таңдаңыз.
Желілік қосылымдарды тексеріңіз және/немесе сервердің нұсқаулығында қосылым туралы ақпаратты қараңыз не болмаса желіні орнатқан адамға (желілік әкімші) хабарласыңыз.

Шешім желі күйінің тексерісіне байланысты әртүрлі болады. Әр ақауға негізделген шешімдер туралы ақпаратты Sony қолдау сайтындағы «Жиі қойылатын сұрақтар» бөлімінен қараңыз.

Егер LAN кабелі белсенді серверге қосылған болса және теледидар IP мекенжайын алса, сервер қосылымдары мен реттеулерін тексеріңіз.
HOME түймесін басыңыз, содан соң [Параметрлер] — [Желі және интернет] — [Желінің күйі] параметрін таңдаңыз.