Гледање слики во резолуција 4K

Можете да приклучите дигитален фотоапарат/видеокамера што поддржува HDMI 4K излез со HDMI IN на телевизорот за да ги прикажувате фотографиите со висока резолуција зачувани во фотоапаратот. Можете да прикажувате и фотографии со висока резолуција зачувани на приклучени USB уреди или на домашната мрежа. Слика со резолуција 4K или поголема може да се прикажува во резолуцијата 4K (3840×2160).

Достапноста на функцијата зависи од регионот/земјата.

1. Дигитален фотоапарат
2. Видеокамера
3. USB уред
4. Мрежен уред

За да гледате слики зачувани на уред USB или на мрежен уред во резолуција 4K

1. Приклучете го USB уредот или мрежниот уред во телевизорот.
2. Притиснете го копчето HOME/(ПОЧЕТОК) и изберете Апликации од почетното мени, па изберете [Медија плеер].
   Ако доставениот далечински управувач има копче APPS, може да го притиснете копчето APPS.
3. Изберете го името на USB-уредот или името на мрежниот уред.
4. Изберете ја папката, а потоа изберете ја датотеката за репродукција.

За да гледате слики зачувани на дигитален фотоапарат/видеокамера

1. Приклучете дигитален фотоапарат или видеокамера што поддржува HDMI излез во HDMI IN приклучокот на телевизорот со HDMI кабел.
2. Притиснете го копчето (Избор на влез) неколку пати за да го изберете поврзаниот уред.
3. Поставете го поврзаниот уред на излез 4K.
4. Стартувајте го емитувањето од поврзаниот уред.

За да ги проверите поддржаните формати на датотека

• Поддржани датотеки и формати

За да гледате слики во резолуција 4K со повисок квалитет

Можете да го поставите Формат на HDMI сигнал на Подобрен формат за да гледате слики во резолуција 4K со повисок квалитет.

За информации за Подобрен формат или за менување на поставките, видете на страницата Поставки за гледање слики преку влезот HDMI со повисок квалитет.