Voorbereiding van jou 3D-bril (slegs 3D-modelle)

Kies binne die teks om na die verwante instellingskerm te spring.

3D-modelle het [3D-instellings] in [Instellings] — [Beeld].

Daar is twee tipes 3D-brille: Passief en Aktief. Verwys na die spesifikasies in die Reference Guide om te sien watter soort 3D-bril die TV ondersteun.

Vir Passiewe 3D-bril

Indien ’n Passiewe 3D-bril saam met jou TV voorsien is, gebruik dit. Indien geen bril voorsien word nie, koop ’n Passiewe 3D-bril, model TDG-500P. Jy kan in 3D kyk deur bloot die Passiewe 3D-bril op te sit.

Vir Aktiewe 3D-bril

Indien ’n Aktiewe 3D-bril saam met jou TV voorsien is, gebruik dit. Indien geen bril voorsien word nie, koop ’n Aktiewe 3D-bril, model TDG-BT500A. Voordat jy die Aktiewe 3D-bril vir die eerste keer gebruik, moet jy dit na jou TV registreer. Volg die stappe hier onder.

1. Haal die battery se isolasiebedekking af.
   
2. Skakel die TV aan, en hou die bril binne 50 cm van die TV.
3. Druk en hou die (Krag)-knoppie/indikator op die bril vir 2 sekondes ingedruk.
   

   Die Aktiewe 3D-bril skakel aan, en registrasie begin (die (Krag)-knoppie/indikator flikker groen en geel). Wanneer registrasie voltooi is, verskyn ’n boodskap 5 sekondes lank op die TV-skerm, en die indikator skyn 3 sekondes lank in groen.

   Indien registrasie misluk, sal die Aktiewe 3D-bril outomaties afskakel. In hierdie geval, moet jy die prosedure hierbo herhaal.

4. Sit die Aktiewe 3D-bril op.

Vanaf die volgende keer kan jy die Aktiewe 3D-bril gebruik deur dit eenvoudig aan te skakel. Om dit af te skakel, moet jy die (Krag)-knoppie/indikator op die bril druk en vir 2 sekondes ingedruk hou. Om dit weer aan te skakel, druk die (Krag)-knoppie/indikator.