Емитување содржини зачувани на USB уред

За да снимате програми на USB-мемориски уред или да гледате снимени програми, видете Снимање телевизиски емисии.

Поврзување USB уред

Приклучете USB мемориски уред во USB приклучокот на телевизорот за да уживате во фотографиите, музиката и видео-датотеките зачувани на уредот.

Можете да уживате во фотографии/музика/филмови складирани на USB уред на екранот од телевизорот.

Ако USB уредот што е поврзан со телевизорот има прекинувач за вклучување/исклучување, вклучете го.
Притиснете го копчето HOME/(ПОЧЕТОК) и изберете Апликации од почетното мени, па изберете [Медија плеер].
Ако доставениот далечински управувач има копче APPS, може да го притиснете копчето APPS.
Изберете го името на USB-уредот.
Изберете ја папката, па изберете ја датотеката за репродукција.

На некои слики и папки им треба време да се прикажат во зависност од димензиите на сликата, големината на датотеката и бројот на датотеки во папката.
Може да биде потребно време за да се прикаже USB-уредот бидејќи телевизорот пристапува до него секој пат кога ќе се поврзе USB-уред.
Сите приклучоци за USB на телевизорот поддржуваат USB со висока брзина. Синиот приклучок за USB поддржува SuperSpeed (USB 3.1 Gen 1 или USB 3.0). USB разводници не се поддржани.
Кога пристапувате до USB уредот, не исклучувајте го телевизорот, ниту USB уредот, не прекинувајте ја врската на USB кабелот, и не отстранувајте и не вметнувајте медиуми за снимање. Во спротивно, податоците, складирани на USB уредот, може да бидат оштетени.
Во зависност од датотеката, емитувањето може да не е возможно дури и кога се користат поддржани формати.

За други информации, видете „Често поставувани прашања“ на Интернет-страницата за поддршка на Sony.
Често поставувани прашања за решавање проблеми