Отпечати

Приспособување на поставките за синхронизирање АV

Ако е поврзан аудио уред со Bluetooth, може да има несовпаѓање помеѓу звукот и сликата поради карактеристиките на Bluetooth. Несовпаѓањето помеѓу сликата и звукот може да го приспособите со поставката A/V синхронизација.

  1. Притиснете го копчето (Брзи поставки) на далечинскиот управувач, а потоа изберете [Поставки] — [Слика и звук] — [Аудио излез] — [A/V синхронизација] — саканата опција.

Ако аудиоуредот е поврзан со HDMI кабел, може да дојде до доцнење на звукот поради својствата на аудиоуредот. Во тој случај, можете да го прилагодите тајмингот на видео и аудиоизлез со помош на поставката A/V синхронизација.

  1. Притиснете го копчето (Брзи поставки) на далечинскиот управувач и потоа изберете го следново по редослед.
    [Поставки] — [Слика и звук] — [Аудио излез] — [A/V синхронизација] — саканата поставка

Напомена

  • Во зависност од поврзаниот аудиоуред со Bluetooth или поврзаниот HDMI уред, сликата и звукот може да не се совпаѓаат дури и кога поставката [A/V синхронизација] е наместена на [Вклучено] или [Автоматски].
  • За да се спречи прикажување црн екран на телевизорот веднаш после вклучување на телевизорот, кога звучникот во вид на лента е приклучен безжично (Bluetooth), поставете ја поставката [A/V синхронизација] на [Вклучено].
  • Ако [Режим на слика] е поставен на една од опциите наведени подолу, тајмингот за прикажување на сликата и звукот не се подеднакво приспособени кога поставката [A/V синхронизација] е поставена на [Автоматски].
    • [Игри]
    • [Графика]
    • [Фотографија]
    За да ги приспособите поставките за синхронизирање [A/V синхронизација] кога е во некој од овие режими, изберете [Вклучено].
  • Кога е поврзан аудиоуред со Bluetooth, реагирањето на телевизорот додека играте видеоигри може да се чини побавно поради тоа што поставката [A/V синхронизација] додава доцнење во времето за излез на сликата. За игри кај кои времето на реакција е од големо значење, не препорачуваме да користите Bluetooth-уред, туку препорачуваме да ги користите звучниците на телевизорот или звучникот во вид на лента со кабелска (HDMI кабел/дигитален оптички кабел) врска.