Подготвување на 3D очилата (само за 3D моделите)

Изберете во текстот за да се префрлите на односниот екран за поставување.

3D моделите имаат [Поставки за 3D] во [Поставки] — [Приказ].

Постојат два вида 3D очила: пасивни и активни. Видете во спецификациите во Reference Guide кои видови 3D очила ги поддржува телевизорот.

За пасивни 3D очила

Ако со телевизорот се испорачани пасивни 3D очила, користете ги. Ако не се испорачани никакви очила, купете пасивни 3D очила, модел TDG-500P. Можете да гледате во 3D едноставно ставајќи ги пасивните 3D очила.

За активни 3D очила

Ако со телевизорот се испорачани активни 3D очила, користете ги. Ако не се испорачани никакви очила, купете активни 3D очила, модел TDG-BT500A. Пред да ги употребите активните 3D очила прв пат, треба да ги регистрирате на вашиот телевизор. Следете ги долните чекори.

1. Извадете ја преградата за изолација на батеријата.
   
2. Вклучете го телевизорот, а потоа, држете ги очилата во рамки на растојание од 50 cm од телевизорот.
3. Притиснете го копчето/индикаторот (Вклучување/Исклучување) на очилата и задржете го притиснато 2 секунди.
   

   Активните 3D очила се вклучуваат и регистрацијата започнува (копчето/индикаторот (Вклучување/Исклучување) трепка со зелена и жолта светлина). Кога ќе заврши регистрацијата,на екранот се појавува порака и останува 5 секунди, а индикаторот свети зелено 3 секунди.

   Ако регистрацијата не успее, активните 3D очила автоматски ќе се исклучат. Во тој случај, повторете ја горната постапка.

4. Ставете ги активните 3D очила.

Од наредниот пат, ќе можете да ги користите активните 3D очила едноставно вклучувајќи ги. За да ги исклучите, притиснете го копчето/индикаторот (Вклучување/Исклучување) на очилата и задржете го притиснато 2 секунди. За да ги вклучите повторно, притиснете го копчето/индикаторот (Вклучување/Исклучување).