Тасымалы аудио құрылғыдағы, т.б. музыканы тыңдау
Тасымалы аудио құрылғыны, т.б. аудио кабельмен (сатып алуға болады) жалғау арқылы динамикті сыммен жалғанатын кәдімгі динамик жүйесі ретінде қолдануға болады.
-
Құрылғыны AUDIO IN ұясына аудио кабельмен (сатып алуға болады) жалғаңыз.
Жалғау үшін екі ұшында да стерео шағын ағытпалары (кедергісіз)* бар аудио кабельді қолданыңыз.
* Кедергісі айтарлықтай аудио кабельді (стерео шағын ағытпалары бар) қолдансаңыз, дыбыс деңгейі төмен болуы мүмкін. Сондықтан кедергісіз аудио кабельді (стерео шағын ағытпалары бар) қолдану керек.
-
Динамикті қосыңыз.
Қуат/BLUETOOTH индикаторы көгілдір түспен баяу жыпылықтайды.
-
Қосып, жалғанған құрылғыда ойнатуды бастаңыз.
-
Жалғанған құрылғыда дыбыс деңгейін орташа деңгейге реттеңіз.
-
Дыбыс деңгейін реттеу үшін –/+ (дыбыс деңгейі) түймелерін басыңыз.
–/+ (дыбыс деңгейі) түймелері басылған кезде, қуат/BLUETOOTH индикаторы бір рет жыпылықтайды. Динамикте дыбыс деңгейін ең жоғары (31) немесе ең төмен деңгейге орнатқан кезде, қуат/BLUETOOTH индикаторы 3 рет жыпылықтайды.
Тұспал
-
Дыбыс естілмеген жағдайда жалғанған құрылғыда дыбыс деңгейін көтеріңіз.
-
Динамик пен мобильді телефон (смартфон/iPhone) арасында HFP/HSP арқылы орнатылғанBLUETOOTH байланысы белсенді болса, динамиктің AUDIO IN ұясына жалғанған тасымалы аудио құрылғыдағы музыканы тыңдап отырып, хендс-фри функциясын қолдануға болады.
Ескерту
-
AUDIO IN ұясына аудио кабель жалғасаңыз, AUDIO IN ұясына жалғанған құрылғының шығыс сигналы басым болып, BLUETOOTH құрылғысынан жіберілген дыбысты естімейсіз. Қуат/BLUETOOTH индикаторы көгілдір түспен жанып не жыпылықтап, BLUETOOTH күйін білдіреді. BLUETOOTH құрылғысынан дыбыс келмеуі динамиктің ақаулы екенінің белгісі емес.
-
AUDIO IN ұясына тасымалы аудио құрылғы жалғап, музыка ойнатқан кезде, кідірту, келесі әннің басына өту және ағымдағы әннің басына өту сияқты әрекеттерді орындау үшін динамиктегі түймелерді қолдану мүмкін болмайды.
-
Су шашырайтын жерде AUDIO IN ұясын қолданбаңыз.
