Су өткізбеушілік мүмкіндігі туралы ескертулер
Құрылғының су өткізбеу өнімділігі
Осы құрылғыға IEC60529 «Кіруден қорғау рейтингі (IP коды)» стандартының «Су кіруінен қорғау дәрежелері» бөлімінде көрсетілген IPX5*3 су өткізбеушілік сипаттамасы*1 *2 берілген. Дегенмен бұл құрылғы мүлде су өткізбейтін құрылғы емес. Құрылғыны ваннадағы ыстық суға түсіруге немесе әдейі суда қолдануға болмайды.
Су өткізбеушілік сипаттамаларына сай қолданылатын сұйықтықтар
| Жарамды | тұщы су, құбыр су |
| Жарамды емес | жоғарыда көрсетілгендерден басқа сұйықтықтар (сабынды су, тазартқыш құралдары немесе шомылуға арналған құралдар қосылған су, сусабын, ыстық бұлақ суы, бассейн суы, теңіз суы, т.б.) |
*1 Қақпақты мықтап жабу қажет.
*2 Осы құрылғының бірге берілген аксессуарлары мен коннекторлары (USB/AUDIO IN) судан немесе шаңнан қорғалмаған.
*3 IPX5 (Ағын судан қорғау деңгейі): Динамик ішкі диаметрі 6,3 мм түтігімен кез келген тараптан шамамен 12,5 л/мин жылдамдығымен шамамен 3 метр қашықтықтан 3 минуттан ұзақ тікелей ағынды су шашырату арқылы тексеріліп, жұмыс күйін сақтайтыны анықталған.
Құрылғының су өткізбеу өнімділігі осы жерде сипатталған жағдайларда өлшенген параметрлерге негізделген. Клиенттің дұрыс пайдаланбау нәтижесінде суға батырғаннан кейін пайда болған ақаулар кепілдікте қамтылмайды.
Су өткізбеушілік қасиетін бүлдіріп алмау үшін
Келесіні қарап шығып, құрылғыны дұрыс пайдаланыңыз.
-
Құрылғыны құлатпаңыз не оған механикалық соққы тигізбеңіз.
Деформация немесе зақымдану су өткізбеу өнімділігінің нашарлауына әкелуі мүмкін.
-
Бұл құрылғының су қысымына төзімді дизайны жоқ. Душта сияқты жоғары су қысымы қолданылатын жерде құрылғыны пайдалану ақаулыққа әкелуі мүмкін.
-
Құрылғыға тікелей жоғары температурадағы суды құймаңыз немесе шаш кептіргіштің не кез келген басқа құрылғының ыстық ауа соққысын бағыттамаңыз. Сондай-ақ құрылғыны сауна немесе пешке жақын жерлер сияқты жоғары температурадағы орындарда ешқашан пайдаланбаңыз.
-
Қақпақты дұрыстап ұстаңыз. Қақпақтың маңызы су өткізбеушілік қасиетін қадағалау кезінде өте жоғары болады. Құрылғыны пайдаланған кезде, қақпақтың толық жабылғанына көз жеткізіңіз. Қақпақты жапқан кезде, басқа заттарды ішіне түсіріп алмаңыз. Егер қақпақ толық жабылмаса, су өткізбеушілік қасиеті зақымдалып, құрылғының дұрыс жұмыс істемеуіне себеп болуы мүмкін, соның салдарынан құрылғыға су кіріп кетуі мүмкін.
