Су өткізбеушілік және шаң өткізбеушілік мүмкіндіктері туралы ескертулер
Динамиктің су өткізбеушілік және шаң өткізбеушілік өнімділігі
Қақпағы мықтап бекітілген динамик IEC60529 «Кіруден қорғау рейтингі (IP коды)»*3 стандартының «Суға батырудан қорғау деңгейі» бөлімінде көрсетілген IPX7*1 су өткізбеушілік сипаттамасына және «Қатты бөгде заттардан қорғау деңгейі»*3 бөлімінде көрсетілген IP6X*2 стандартының шаң өткізбеушілік сипаттамасына сәйкес келеді.
Су өткізбеушілік сипаттамаларына сай қолданылатын сұйықтықтар:
| Жарамды | тұщы су, құбыр суы, бассейн суы, ащы су |
| Жарамды емес | жоғарыда көрсетілгендерден басқа сұйықтықтар (сабынды су, тазартқыш құралдары немесе шомылуға арналған құралдар қосылған су, сусабын, ыстық бұлақ суы, т.б.) |
*1 IPX7 баламалылығы: Тереңдігі 1 м суға 30 минутқа абайлап батырылғанда, динамик жұмыс істеу қабілетін сақтайтыны сыналып, анықталған.
*2 IP6X баламалылығы: Диаметрі 75 мкм-ге дейінгі шаң түйіршіктері салынған сынау құрылғысында 8 сағат араластырғаннан кейін, динамик шаң өткізбей тұратыны сыналып, анықталған.
*3 Осы динамиктің бірге берілген аксессуарлары мен коннекторлары (USB) суға төзімділік және шаң өткізбеушілік сипатқа ие емес. Өрт шығу немесе ток соғу қаупін азайту үшін, коннекторлардың кез келгенін қолданып жатқан кезде, динамикке су немесе тамшы тамызбаңыз (USB). Динамиктің үстіне вазаны немесе сұйықтық құйылған кез келген басқа ыдысты қоймаңыз.
Динамиктің су өткізбеушілік және шаң өткізбеушілік өнімділігі осы жерде сипатталған жағдайлардағы өлшеулердің негізінде алынған. Тұтынушы дұрыс емес пайдалану әсерінен суға батырғаннан немесе шаң кіргеннен болған ақауларды кепілдік қамтымайтынын ескеріңіз.
Су өткізбеушілік және шаң өткізбеушілік өнімділігінің нашарлауының алдын алу
Динамиктің дұрыс қолданылуын қамтамасыз ету үшін төмендегі сақтық шараларын мұқият ескеріңіз.
-
Динамик MIL-STD810H Method 516.8-Shock әдісіне сəйкес қалыңдығы 5 см болатын фанерге 1,22 м биіктіктен құлау сынағынан өткен. Дегенмен, бұл кез келген жағдайларда зақымданбайтынына, бұзылып қалмайтынына, немесе су өткізбейтініне және шаң кірмейтініне кепілдік бермейді. Динамиктің құлауынан немесе оған механикалық әсер етуден болған деформация немесе зақымдану су өткізбеу және шаң өткізбеу өнімділігінің нашарлауына әкелуі мүмкін.
-
Бұл динамиктің құрылымы су қысымына төзімді емес. Душ сияқты жоғары су қысымы қолданылатын жерде динамикті пайдалану ақаулыққа әкелуі мүмкін.
-
Динамикке тікелей жоғары температурадағы суды құймаңыз немесе шаш кептіргіштің не кез келген басқа құрылғының ыстық ауа соққысын бағыттамаңыз. Сондай-ақ динамикті сауна немесе жылу көзінің жаны сияқты температурасы көтерілетін жерде қолданбаңыз.
-
Қақпақты (
) дұрыстап ұстаңыз. Қақпақ суға төзімділік және шаң өткізбеушілік өнімділігінің сипаттамасында өте маңызды рөл атқарады. Динамикті пайдаланған кезде, қақпақ толық жабылғанын тексеріңіз. Қақпақты жапқан кезде, басқа заттарды ішіне түсіріп алмаңыз. Егер қақпақ толық жабылмаса, суға төзімділік және шаң өткізбеушілік өнімділігі нашарлап, динамикке су немесе шаң кіру нәтижесінен динамиктің ақаулығына әкелуі мүмкін.
