Зарядтауға қатысты ескертулер

Кірістірілген литий-ион батареясының қызмет мерзімі

  • Динамикті ұзақ уақыт пайдаланғыңыз келмегеннің өзінде, оның жұмыс өнімділігін сақтау үшін кірістірілген батареяны 6 ай сайын жетерліктей зарядтап отырыңыз.

  • Динамик ұзақ уақыт қолданылмаса, кірістірілген батареяны зарядтау үшін көбірек уақыт кетуі мүмкін.

  • Қайта зарядталатын кірістірілген батареяның қызмет мерзімі шектеулі. Уақыт өте және кірістірілген батареяның қолданылу саны артқан сайын, қайта зарядталатын кірістірілген батареяның сыйымдылығы ақырындап азаяды. Толығымен зарядталуына қарамастан, кірістірілген батареяны қолдану уақыты айтарлықтай қысқарған болып көрінсе, ең жақын Sony сату орталығына хабарласыңыз.

  • Кірістірілген батареяны пайдалану уақыты айтарлықтай қысқарған болып көрінген кезде, қайта зарядталатын кірістірілген батареяның қызмет мерзімі аяқталған болуы мүмкін.

  • Қайта зарядталатын кірістірілген батареяның қызмет мерзімі пайдалануға, ортаға және сақтау әдісіне қарай өзгереді.

Абайлаңыз

Кірістірілген батарея зарядталып жатқанда, динамик төмендегідей әдеттен тыс жағдайларды анықтаған кезде, (қуат) индикаторы сарғылт түспен екі рет жыпылықтай бастайды.

  • Қоршаған орта температурасы 5–35 °C ауқымынан тыс.

  • Кірістірілген батарея ұзақ уақыт зарядталған кезде.

Кірістірілген батареяға қатысты әдеттен тыс жағдай анықталған кезде, зарядтауды дереу тоқтатып, біраз уақыт күтіңіз, одан кейін кірістірілген батареяны қайта зарядтаңыз. Мәселе шешілмей қоса, ең жақын Sony сату орталығына хабарласыңыз.

Ескерту

  • Зарядтау уақыты кірістірілген батареяны пайдалану шарттарына байланысты болады.

  • Динамикті қоршаған орта температурасы 5–35 °C аралығында болғанда зарядтаңыз. Маусымға байланысты, әсіресе қыста бөлме температурасы 5 °C немесе одан төмен мәнге төмендеуі мүмкін екенін ескеріңіз.

  • Динамик зарядтаған кезде жылиды. Бұл ақаулық емес.

  • Температураның күрт өзгеруі, тікелей күн түсу, тұман, құм, шаң не механикалық соққы әсеріне ұшыратпаңыз. Сондай-ақ динамикті күн түсетін жерде тұрған автокөлікте ешқашан қалдырмаңыз.

  • Динамик бірге берілген АТ қуат кабелімен (ток желісінің кабелі) АТ розеткасына жалғанып тұрғанда, динамик қосылып тұрса да, динамиктің кірістірілген батареясы өзін-өзі зарядтай алады.

    Дегенмен динамиктің қолданылуына байланысты зарядталу аяқталуы үшін ұзақ уақыт кетуі мүмкін. Батареяны зарядтаудан бұрын динамикті өшіріп қойған жөн.

  • Сондай-ақ динамиктің кірістірілген батареясын динамикті USB зарядтау портымен жабдықталған компьютерге жалғау арқылы зарядтауға болады. Дегенмен барлық компьютерлер тексеріліп, осы процедураға сәйкес келетіні анықталған жоқ, сондай-ақ бұл процедура үйде құрастырылған компьютерлерге жарамды емес.

  • Аса суық немесе ыстық жерде зарядтау қауіпсіздікті қамтамасыз ету үшін тоқтайды. Зарядтауға көп уақыт кетсе, динамиктің зарядталуы да тоқтайды. Осы мәселелерді шешу үшін динамиктен АТ қуат кабелін (ток желісінің кабелі) ағытып, 5–35 °C аралығындағы жұмыс температурасында оны қайта жалғаңыз.

  • Жоғары температурада зарядталмауы немесе батарея қуатын сақтау үшін дауыс қаттылығы төмендеуі мүмкін.

  • Уәкілетті логотипі бар, жеке қуат көзінен қуат алатын USB хабын қолданған кезде ғана, USB хабынан зарядталуға кепілдік беріледі.

  • Динамик АТ розеткасына қосылмаған компьютерге жалғанып тұрғанда, ол компьютердің батареясының зарядын тұтынады. Компьютердің батареясының заряды таусылып қалмауы үшін динамикті компьютерге жалғанған күйде ұзақ уақытқа қалдырмаңыз.

Бет үстіне өту