Айнымалы ток көзіне қосу
Динамик айнымалы ток көзіне айнымалы ток адаптері (жинақта берілген) арқылы қосу арқылы немесе ішкі батареямен (зарядталмалы) жұмыс істейді.
Динамикті бірінші рет пайдаланған кезде, оны қосудан бұрын батареясын 1 сағаттан аса зарядтап алуды ұмытпаңыз.
Динамикті пайдаланар алдында зарядтау арқылы айнымалы ток адаптерінің орнына батареямен жұмыс істейді.
- Жинақтағы айнымалы ток адаптерін DC IN 9.5V ұясына жалғаңыз.
- Айнымалы ток адаптерін айнымалы ток розеткасына қосыңыз.
Зарядтау басталады және CHARGE индикаторы қызғылт-сары болып жанады. Шамамен 4 сағаттан кейін*1 зарядталып болады да, индикатор өшеді. Толық зарядталғаннан кейін динамик айнымалы ток розеткасына қосулы күйінде қалса да, батарея зарядталмайды.
*1 Динамик өшірулі кезде, бос батареяны толық сыйымдылығына дейін зарядтауға жұмсалатын уақыт.
Батареяны пайдалану мерзімі (BLUETOOTH байланысын пайдаланғанда)
Шамамен 24 сағат*2.
Жоғарыда айтылған уақыт сыртқы ортаның температурасына немесе қолдану шарттарына байланысты өзгеруі мүмкін.
*2Көрсетілген музыка көзі пайдаланылған кезде, BLUETOOTH құрылғысы максималды дыбыс деңгейіне орнатылады, ал динамиктің дыбыс деңгейі 19 мәніне орнатылып, динамиктің жарықтандыру функциясы өшеді. Егер динамиктің дыбыс деңгейі максималды деңгейге орнатылса, пайдалану мерзімі шамамен 4 сағат болады.
Зарядталмалы батареяның заряд деңгейін тексеру
Динамик қосулы кезде батареяның қуатын тексеру үшін 
(қоңырау) түймесін басқан немесе 3 секундтан аса басып тұрған соң, «Fully charged/About 70%/About 50%/About 20%/Please charge» (Толық зарядталған/Шамамен 70%/Шамамен 50%/Шамамен 20%/Зарядтаңыз) дауыстық нұсқауы динамиктен шығады.
Батарея аз қалғанда
- Дауыстық нұсқауда «Please charge» (Зарядтаңыз) деп айтылып, CHARGE индикаторы баяу қызғылт-сары болып жанып тұрса, батарея қуаты азайған және зарядтауды қажет етеді. Мұндай жағдайда динамик басқа құрылғыларды қуатпен қамтамасыз ете алмайды.
- Егер дауыстық нұсқауда «Please charge» (Зарядтаңыз) деп айтылып, CHARGE индикаторы 3 рет қызғылт-сары болып жанса және динамикті қосқанда өшіп қалса, батарея қуаты біткен және зарядтау қажет.
Тұспал
- Динамик айнымалы ток розеткасына жалғанған болса, CHARGE индикаторының жанбай тұрғанына қарамастан, қолданыстағы динамик зарядтала береді. Мұндай жағдайда пайдалану жағдайларына қарай бұл — динамикті өшірулі күйінде зарядтаумен салыстырғанда ұзағырақ уақыт алуы мүмкін. Сондықтан зарядтау кезінде динамикті өшірген жөн.
Ескерту
- Динамикті жоғары дыбыс деңгейінде пайдаланған кезде, тіпті ол айнымалы ток көзіне жалғанған болса да батарея қуаты төмендеуі мүмкін. Динамикті зарядтау кезінде пайдаланатын болсаңыз, дыбыс деңгейін төмендетіңіз. Әйтпесе динамикті өшіріп, батареяны жеткілікті зарядтаңыз.
- Динамикті жоғары дыбыс деңгейінде ұзақ уақыт бойы пайдаланған кезде, тіпті ол айнымалы ток көзіне жалғанған болса да батарея қуаты төмендеуі мүмкін. Соның салдарынан дыбыс деңгейі төмендейді. Бұл ақау емес. Динамикті өшіріп, батареяны жеткілікті зарядтаңыз.
- Айнымалы ток розеткасы мен батарея арасындағы қуат көзін айнымалы ток адаптерін қосу/өшіру арқылы ауыстырсаңыз, динамиктің дыбысы біраз уақытқа шықпай қалуы мүмкін. Бұл ақау емес.
- Ең үлкен қуат шығысы батарея баяу жұмыс істеп тұрғанда төмен болуы мүмкін.
- Динамикті ұзақ уақыт пайдаланбайтын болсаңыз да, батареяны 6 айда бір рет жеткілікті зарядтап, оның өнімділігін сақтаңыз.
- Тым суық немесе ыстық ортада қауіпсіздік үшін зарядтау тоқтайды. Зарядтауға көп уақыт кететін болса, бұл динамиктің зарядталуын тоқтатады. Осындай жағдайларда CHARGE индикаторы қызғылт-сары болып жыпылықтай береді, бірақ бұл ақау емес. Бұл мәселелерді шешу үшін айнымалы ток адаптерін ажыратып, оны 5°C және 35°C арасындағы жұмыс температурасында жалғаңыз.
- Су шашырауы мүмкін жерлерде зарядтамаңыз.
