Сымсыз динамикSRS-XB40

Динамиктің су өткізбейтін тиімділігі

IEC60529 «Кіруден қорғау дәрежесі (КҚ коды)» ережесінің «Су кіруден қорғау дәрежелері» тарауында көрсетілгендей, динамиктің^*1*2 және IPX5^*3 сай су өткізбейтін сипаттамасы бар. Дегенмен динамик мүлдем су өтпейтін құрылғы емес.

Динамикті жуынатын бөлмеде ыстық суға салмаңыз немесе оны мақсатына сай пайдаланыңыз. Пайдалануға байланысты динамикке кірген судан өрт шығуы, ток соғуы немесе бұзылуы мүмкін.

Төмендегілерді толығымен түсінгеннен кейін, динамикті пайдаланыңыз.

Су өткізбеу сипаттамалары қолданылатын сұйықтар

Қатысты: таза су, ағын су

Қатысты емес: жоғарыдағылардан басқа сұйықтар (сабын су, құрамында тазалағыш құралы немесе ванна құралдары бар су, сабынсу, ыстық бұлақ суы, ыстық су, бассейн суы, теңіз суы, т.б.)

^*1 Қақпағы мықтап бекітілуі қажет.

^*2 Жинақтағы аксессуарлардың су өткізбейтін қасиеті жоқ.

^*3 IPX5 (Ағын судан қорғау дәрежесі): динамик сынақтан өтіп, 3 метрдей қашықтықтан 3 минуттан аса уақыт шамамен 12,5 л/мин жылдамдықпен кез келген бағыттан ішкі диаметрі 6,3 мм саптамамен су ағынымен тікелей шашқаннан кейін де жұмысын жалғастырды.

Динамиктің су өткізбеу тиімділігі осы жерде сипатталған жағдайлардағы өлшемдерімізге негізделген. Тұтынушының дұрыс пайдаланбауынан туындаған су кіру салдарындағы ақаулықтың кепілдікте қамтылмайтынын ескеріңіз.

Су өткізбеу тиімділігінің зақымына жол бермеу үшін

Төмендегілерді тексеріп, динамикті дұрыс пайдаланыңыз.

• Динамикті өте ыстық немесе суық жерде (5 °C – 35 °C тыс температурада) пайдаланбаңыз немесе қалдырмаңыз. Егер динамик жоғарыдағы ауқымнан тыс температурада пайдаланылса немесе қалса, динамик ішкі тізбегін қорғау үшін автоматты түрде жұмысын тоқтатуы мүмкін.
• Динамикті құлатып алмаңыз немесе механикалық соққы тигізбеңіз. Формасының бұзылуы немесе зақымдалуы су өткізбеу тиімділігінің бұзылуына себеп болуы мүмкін.
• Динамикті суы көп жерде немесе ыстық су шашырап кетуі мүмкін жерде пайдаланбаңыз. Динамиктің су қысымына төзімді дизайны жоқ. Жоғарыда көрсетілген жерде динамикті пайдалану ақау тудыруы мүмкін.
• Динамикке ыстық су құймаңыз немесе шашкептіргіштен не басқа құрылғыдан ыстық ауаны тікелей жібермеңіз. Сонымен бірге динамикті температурасы жоғары саунада немесе каменьге жақын жерлерде пайдаланбаңыз.
• Қақпақты абайлап ұстаңыз. Су өткізбеу тиімділігінде қақпақ маңызды рөлге ие. Динамикті пайдаланған кезде, қақпақтың толық жабылғанын тексеріңіз. Қақпақты жапқан кезде, қақпақты дұрыс жабатын резеңке аралық қабатқа бөгде заттарды түсіріп алмаңыз. Егер қақпақ толық жабылмаса, су өткізбеу тиімділігі зақымдалып, динамиктің ішіне су кіруден динамик істемей қалуы мүмкін.