Динамикті қосу мүмкін емес немесе динамик кенет өшіп қалады
-
Қайта зарядталатын кірістірілген батарея таусылған немесе таусылуға жақын болуы мүмкін. Батареяны зарядтау үшін динамикті бірге берілген айнымалы ток адаптерімен АТ розеткасына жалғаңыз.
-
Динамикті жоғары дыбыс деңгейінде қолдансаңыз, динамик USB айнымалы ток адаптерімен АТ розеткасына жалғанып тұрса да, бөлек сатылатын USB айнымалы ток адаптерінің түріне немесе сипаттамаларына байланысты қайта зарядталатын кірістірілген батареяның қалған заряды азаюы немесе динамик өшуі мүмкін. Бірақ бұл ақаулық емес. Мұндай жағдай орын алса, динамикті өшіріп, оны қайтадан қолданбас бұрын, батарея толығымен зарядталғанша күтіңіз.
-
Қуатты автоматты түрде өшіру (Auto Standby) функциясы қосылған болуы мүмкін. Шамамен 15 минуттан кейін кейбір жағдайларда, мысалы, аудио кіріс сигналының дыбыс деңгейі төмен болғанда, қуат автоматты түрде өшеді. Пайдалану үшін жалғанған құрылғының дыбыс деңгейін көтеріңіз немесе автоматты қуат функциясын өшіріңіз.
