BLUETOOTH байланысы арқылы компьютерге жалғау (Windows®)

Жұптастыру дегеніміз — сымсыз жалғанатын BLUETOOTH құрылғыларында ақпаратты екі жақты тіркеу үшін қажетті процесс.

Алғаш рет BLUETOOTH байланысын орнату үшін құрылғыны динамикке жұптастыру қажет. Басқа құрылғыларды жұптастыру үшін дәл осындай процедураларды орындаңыз.

Динамик өшірілген кезде, жұптастыру ақпараты динамикте сақталады.

Қолдау көрсетілетін операциялық жүйелер

Windows 10, Windows 8.1

Іске кіріспес бұрын, мына әрекеттерді орындаңыз.

  • Компьютерді динамиктен ең көбі 1 м қашықтықта орналастырыңыз.

  • Динамикті бірге берілген айнымалы ток адаптерімен АТ розеткасына жалғаңыз. Немесе қайта зарядталатын кірістірілген батареяны жетерліктей зарядтаңыз.

  • Мәлімет алу үшін компьютердің пайдалану нұсқауларын дайын ұстаңыз.

  • Динамиктен кенет қатты дыбыс шықпауы үшін BLUETOOTH құрылғысының және динамиктің дыбыс деңгейін төмендетіңіз немесе музыканың ойнатылуын тоқтатыңыз.

  • Компьютердің динамигін қосылған күйге орнатыңыз.

    Компьютердің динамигі (дыбыссыз) режимге орнатылған болса, BLUETOOTH динамигінен дыбыс шықпайды.

    • Компьютердің динамигі қосылған күйге орнатылған кезде:

  1. Динамикті қосыңыз.

  2. (BLUETOOTH) индикаторының жану күйін тексеріңіз.

    Индикатор екі рет жыпылықтап тұрғанда

    Динамикті сатып алғаннан бері BLUETOOTH құрылғысымен алғаш рет жұптастырғаннан немесе динамиктің бастапқы параметрлерін орнатқаннан (динамикте жұптастыру ақпараты жоқ) кейін, ол қосылған кезде автоматты түрде жұптастыру режиміне өтеді. 4-ші-қадамға өтіңіз.

    Индикатор баяу жыпылықтап тұрғанда

    Динамик BLUETOOTH байланыстарын іздеп жатыр.

    • Динамикті екінші не одан кейінгі BLUETOOTH құрылғысымен жұптастыру үшін (динамикте басқа BLUETOOTH құрылғыларының жұптастыру ақпараты болмағанда), 3-ші-қадамға өтіңіз.

    • Динамикті онымен бұдан бұрын жұптастырылған BLUETOOTH құрылғыларының біреуіне қайта жалғау үшін 4-ші-қадамға өтіңіз.

      BLUETOOTH құрылғысына байланысты динамик қосыла сала сол құрылғыға қайтадан жалғануы мүмкін. Толық мәлімет алу үшін BLUETOOTH құрылғысымен бірге берілген пайдалану нұсқауларын қараңыз.

    Индикатор жанып тұрғанда

    Динамик BLUETOOTH құрылғыларының біреуіне әлдеқашан жалғанып тұр.

    Динамикті басқа BLUETOOTH құрылғысына жалғау үшін төмендегі әрекеттердің бірін орындаңыз:

    • Динамикті екінші не одан кейінгі BLUETOOTH құрылғысымен жұптастыру үшін (динамикте басқа BLUETOOTH құрылғыларының жұптастыру ақпараты болмағанда), 3-ші-қадамға өтіңіз.

    • Динамикті онымен бұдан бұрын жұптастырылған BLUETOOTH құрылғыларының біреуіне қайта жалғау үшін 4-ші-қадамға өтіңіз.

  3. (BLUETOOTH) түймесін басыңыз.

    Динамиктен (BLUETOOTH pairing (BLUETOOTH арқылы жұптастыру)) дауыстық нұсқауы естіліп, (BLUETOOTH) индикаторы екі рет жыпылықтай бастайды (жұптастыру режимі).

  4. Компьютер күту (ұйқы) немесе гибернация режимінде тұрса, оны оятыңыз.
  5. Динамикті компьютерде тіркеу.

    Windows 10 жүйесінде

    1. [Start] түймесін, одан кейін [Settings] тармағын басыңыз.

    2. [Devices] пәрменін басыңыз.

    3. [Bluetooth & other devices] бөлімін басыңыз, одан кейін «Bluetooth» қосқышын басып, BLUETOOTH функциясын қосыңыз, содан кейін [Add Bluetooth or other device] пәрменін басыңыз.

    4. [Bluetooth] пәрменін басыңыз.

    5. [SRS-XG300] құрылғысын таңдаңыз.

      Құпия кілт* сұралса, «0000» кодын енгізіңіз.

      [SRS-XG300] құрылғысы көрінбесе, әрекеттерді 3-ші-қадамнан бастап қайталаңыз.

      * Құпия кілт «құпия код», «PIN коды», «PIN нөмірі» немесе «құпия сөз» деп аталуы мүмкін.

    6. Жұптастырғаннан кейін, BLUETOOTH байланысы автоматты түрде орнатылып, экранда [Connected music] немесе [Connected voice, music] жазуы көрсетіледі. 6-шы-қадамға өтіңіз.

    Windows 8.1 жүйесінде

    1. [Start] түймесін оң жақ түймемен басып, одан кейін [Control Panel] тармағын басыңыз.

      [All Control Panel Items] көрсетілген кезде, [Devices and Printers] тармағын таңдаңыз.

      [All Control Panel Items] орнына [Control Panel] экраны көрінсе, экранның жоғарғы оң жақ бұрышындағы [View by] мәзірінен [Large icons] не [Small icons] пәрменін таңдаңыз.

    2. [Add a device] пәрменін басыңыз.

    3. [SRS-XG300] құрылғысын таңдап, [Next] пәрменін басыңыз.

      Құпия кілт* сұралса, «0000» кодын енгізіңіз.

      [SRS-XG300] құрылғысы көрінбесе, әрекеттерді 3-ші-қадамнан бастап қайталаңыз.

      * Құпия кілт «құпия код», «PIN коды», «PIN нөмірі» немесе «құпия сөз» деп аталуы мүмкін.

    4. Мына экран көрінген кезде, [Close] пәрменін басыңыз.

      Компьютер драйверді орната бастайды.

      Орнату кезінде [SRS-XG300] белгішесінің төменгі сол жағында «орнатылуда» белгісі көрінеді. «орнатылуда» белгісі жоғалған кезде, драйвер орнату аяқталады. 5-ші-5-қадамға өтіңіз.

      Компьютерге байланысты орнатуға біраз уақыт кетуі мүмкін. Драйвер орнатуға тым көп уақыт кетіп жатса, динамиктің Автоматты күту режимі функциясы оны автоматты түрде өшіреді. Мұндай жағдай орын алса, динамикті қайта қосыңыз.

    5. [Devices] ішінде [SRS-XG300] құрылғысын оң жақ түймемен басып, пайда болған мәзірде [Sound settings] тармағын таңдаңыз.

    6. [Sound] экранында [SRS-XG300 Stereo] құрылғысын растаңыз.

      • [SRS-XG300 Stereo] құрылғысында құсбелгі (жасыл) болса, 6-шы-қадамға өтіңіз.

      • [SRS-XG300 Stereo] құрылғысында құсбелгі (жасыл) болмаса, 5-ші-7-қадамға өтіңіз.

      • [SRS-XG300 Stereo] құрылғысы көрінбесе, [Sound] экранын оң жақ түймемен басып, пайда болған мәзірде [Show Disabled Devices] тармағын таңдаңыз. Одан кейін 5-ші-7-қадамға өтіңіз.

    7. [SRS-XG300 Stereo] құрылғысын оң жақ түймемен басып, пайда болған мәзірде [Connect] тармағын таңдаңыз.

      Динамик жалғанған кезде, [Sound] экранындағы [SRS-XG300 Stereo] құрылғысында құсбелгі пайда болады. 6-шы-қадамға өтіңіз.

      [SRS-XG300 Stereo] құрылғысының [Connect] пәрменін басу мүмкін болмаса, құсбелгісі (жасыл) бар [Default Device] құрылғысының [Disable] пәрменін таңдаңыз.

  6. BLUETOOTH байланысын орнату үшін экрандағы нұсқауларды орындаңыз.

    BLUETOOTH байланысы орнатылған кезде, динамиктен (BLUETOOTH connected (BLUETOOTH жалғанды)) дауыстық нұсқауы естіліп, (BLUETOOTH) индикаторының күйі жыпылықтап тұрудан жанып тұру күйіне ауысады.

    Байланыс орнату әрекеті нәтижелі болмаса, 3-ші-қадамнан бастап процедураны қайталаңыз.

Тұспал

  • Жоғарыдағы компьютерде орындалатын нұсқаулар мысал ретінде берілген. Толық мәлімет алу үшін компьютермен бірге берілген пайдалану нұсқауларын қараңыз. Оған қоса барлық компьютерлер тексеріліп, жоғарыдағы процедураға сәйкес келетіні анықталған жоқ, сондай-ақ бұл процедура үйде құрастырылған компьютерлерге жарамды емес.

  • Динамикті бір уақытта ең көбі 2 BLUETOOTH құрылғысына жалғауға болады. (Көп нүктелі байланыс)

Ескерту

  • Динамиктің жұптастыру режимі шамамен 5 минуттан кейін босатылады да, (BLUETOOTH) индикаторы баяу жыпылықтайды. Дегенмен динамикте жұптастыру ақпараты болмаған кезде, мысалы зауыттық параметрлер орнатылғанда, жұптастыру режимі босатылмайды. Жұптастыру режимі процесс аяқталмай тұрып босатылса, 3-ші-қадамнан қайта бастаңыз.

  • BLUETOOTH құрылғылары жұптастырылғаннан кейін, оларды мына жағдайлардан басқа жағдайларда қайтадан жұптастыру қажет емес:

    • Жөндеуден, т.б. жұмыстардан кейін жұптастыру ақпараты жойылған.

    • Динамик 8 құрылғымен жұптастырылып, тағы бір құрылғымен жұптастыруға әрекет жасалуда.

      Динамикті ең көбі 8 құрылғымен жұптастыруға болады. 8 жұптастырылған құрылғыға қосымша тағы бір жаңа құрылғы жұптастырылған кезде, BLUETOOTH байланысы арқылы жалғанған ең алғашқы құрылғының жұптастыру ақпараты жаңа құрылғының жұптастыру ақпаратына алмастырылады.

    • Динамиктің жұптастыру ақпараты BLUETOOTH құрылғысынан жойылған.

    • Динамиктің бастапқы параметрлері орнатылады.

      Барлық жұптастыру ақпараты жойылады. Динамиктің бастапқы параметрлерін орнатсаңыз, ол компьютерге жалғанбауы мүмкін. Мұндай жағдайда компьютердегі динамиктің жұптастыру ақпаратын өшіріп, жұптастыру процедурасын қайтадан орындаңыз.

  • Динамикті бірнеше құрылғымен жұптастыруға болады, бірақ музыка бір уақытта бір жұптастырылған құрылғыдан ғана ойнатылады.

  • Динамиктің құпия кілті: «0000». BLUETOOTH құрылғысында «0000» кодынан басқа құпия кілт орнатылған болса, динамикпен жұптастыру мүмкін болмайды.

  • Динамик пен BLUETOOTH құрылғысы BLUETOOTH байланысы арқылы жалғанып тұрғанда динамиктің AUDIO IN ұясына аудио кабель жалғанса, BLUETOOTH құрылғысынан шығатын дыбыс динамиктен шығарылмайды (хендс-фри функциясы қолжетімді болады). BLUETOOTH құрылғысынан музыка тыңдау үшін динамиктің AUDIO IN ұясынан аудио кабельді ағытыңыз.

  • Стерео режимде жұптастыру немесе Сауық кешінде жалғау функциясын қолданған кезде, көп нүктелі байланыс мүмкіндігін қолдану мүмкін емес.

Бет үстіне өту