Тасымалы аудио құрылғыдағы, т.б. музыканы тыңдау

Тасымалы аудио құрылғыны, т.б. аудио кабельмен (бөлек сатылады) динамикке жалғау арқылы динамикті қолдануға болады.

Ескерту

  • Динамик пен тасымалы аудио құрылғы арасында байланыс орнатудан бұрын, динамиктен кенет қатты дыбыс шықпауы үшін динамиктің және құрылғының дыбыс деңгейін төмендетіңіз.
  1. Құрылғыны AUDIO IN ұясына аудио кабельмен (бөлек сатылады) жалғаңыз.

    Жалғау үшін екі ұшында да стерео шағын ағытпалары (кедергісіз)*1 бар аудио кабельді қолданыңыз.

    *1 Кедергісі айтарлықтай аудио кабельді (стерео шағын ағытпалары бар) қолдансаңыз, дыбыс деңгейі төмен болуы мүмкін. Сондықтан кедергісіз аудио кабельді (стерео шағын ағытпалары бар) қолдану керек.

  2. Динамикті қосыңыз.

    (қуат) индикаторы жасыл түспен жанады.*2

    *2 Бұдан бұрын динамикке жалғанған BLUETOOTH құрылғы жақын жерде тұрса, динамик сол құрылғыға автоматты түрде жалғануы мүмкін. Мұндай жағдайда динамиктегі(BLUETOOTH) индикаторы көгілдір түспен жанады.

  3. Қосып, жалғанған құрылғыда ойнатуды бастаңыз.
  4. Жалғанған құрылғыда дыбыс деңгейін орташа деңгейге реттеңіз.

    Дыбыс деңгейі жалғанған тасымалы аудио құрылғыдан реттелсе, динамиктегі (қуат) индикаторы жыпылықтамайды.

  5. Дыбыс деңгейін реттеу үшін –/+ (дыбыс деңгейі) түймелерін басыңыз.

    Дыбыс деңгейін реттеу үшін –/+ (дыбыс деңгейі) түймелерін басқан кезде, (қуат) индикаторы бір рет не 3 рет жыпылықтайды.

Тұспал

  • Дыбыс естілмеген жағдайда жалғанған құрылғыда дыбыс деңгейін көтеріңіз.

  • Динамик смартфонға немесе мобильді телефонға HFP (Hands-free Profile) BLUETOOTH байланысы арқылы жалғанып тұрғанда, динамикке аудио кабельмен жалғанған құрылғыдан музыка тыңдап отырып, сонымен қатар телефонмен хендс-фри режимде сөйлесуге болады.

Ескерту

  • AUDIO IN ұясына аудио кабель жалғанып тұрғанда, AUDIO IN ұясы арқылы шығарылатын аудиоға басымдық беріледі, ал BLUETOOTH құрылғысының аудио шығысы өшіріледі. BLUETOOTH байланысының күйіне қарай, динамиктегі (BLUETOOTH) индикаторы көгілдір түспен жанады немесе жыпылықтайды. Бірақ бұл ақаулық емес.

  • Динамикке аудио кабель жалғанып тұрған кезде де, мысалы «Sony | Music Center» қолданбасында [My Library] опциясын таңдау арқылы BLUETOOTH байланысы арқылы жалғанған BLUETOOTH құрылғысынан музыка тыңдауға болады.

  • Стерео режимде жұптастыру функциясы немесе Сауық кешінде жалғау функциясы қолданылып жатқанда, динамик аудио кабельмен AUDIO IN ұясына жалғанған құрылғыда ойнатылып жатқан музыка шығара алмайды.

  • Динамик AUDIO IN режимінде тұрғанда, оны «Sony | Music Center» қолданбасымен де Стерео режимде жұптастыру функциясы немесе Сауық кешінде жалғау функциясы үшін реттеуге болады. Дегенмен реттеп болғаннан кейін, динамик автоматты түрде BLUETOOTH режиміне қойылады.

  • AUDIO IN ұясына тасымалы аудио құрылғы жалғап, музыка ойнатқан кезде, кідірту, келесі әннің басына өту және ағымдағы әннің басына өту сияқты әрекеттерді орындау үшін динамиктегі түймелерді қолдану мүмкін болмайды.

  • AUDIO IN ұясын динамикке су шашырауы ықтимал жерлерде қолданбаңыз. Бірге берілген Айнымалы ток адаптері, сондай-ақ қақпақ артындағы ұя және порттар (USB/AUDIO IN) не су өткізбеушілік, не шаң өткізбеушілік сипатқа ие болатындай етіп жасалмаған.

  • Динамиктен аудио кабельді ажыратқаннан кейін, қақпақты толығымен жабуды ұмытпаңыз.

    Қақпақ су өткізбеушілік және шаң өткізбеушілік өнімділігінің сипаттамасында өте маңызды рөл атқарады.

Бет үстіне өту