1-жаңарту әдісі: Интернет арқылы автоматты жаңарту

Интернетке сымды не Wi-Fi желісі арқылы қосылған динамикті пайдалансаңыз, динамик соңғы бағдарламалық құралға автоматты түрде жаңарта алады.

Бұл мүмкіндік әдепкі бойынша өшірулі.

Бағдарламалық құралды автоматты түрде жаңарту

  • Смартфондағы, iPhone құрылғысындағы және тағы басқа құрылғылардағы SongPal бағдарламасын іске қосып, [Settings] мәзіріндегі [System] параметрін орнатыңыз.
    Динамиктің бағдарламалық құралды автоматты түрде жаңарту мүмкіндігі ([Auto Update]) қосылады. Егер [Auto Update] мүмкіндігі өшірулі болса, параметрді қосулы күйге қойыңыз.
  • Жаңарту динамикті пайдаланбағанда (мысалы, түн ортасы) немесе динамик күту режимінде болғанда орындалады. Жаңарту кезінде UPDATE индикаторы қызғылт сары түспен жыпылықтап, жаңарту аяқталғанда өшеді. Жаңартқаннан кейін динамикті бірінші рет қосқан кезде UPDATE индикаторы қызғылт сары түсте үш рет жыпылықтайды.

Бағдарламалық құралды автоматты түрде жаңарту мүмкіндігін өшіру

  • Смартфонға, iPhone құрылғысына және тағы басқа құрылғыларға орнатылған SongPal бағдарламасы арқылы [Settings] мәзіріндегі [Auto Update] параметрін өшіріңіз.
  • Дегенмен, бұл функцияны өшірсеңіз де, маңызды өзгертулер үшін бағдарламалық құрал автоматты түрде жаңартылуы мүмкін.

Егер индикатор мен түйме келесі бөлімде көрсетілгендей жыпылықтаса

  • (қуат) индикаторы қызыл түспен жыпылықтайды және UPDATE индикаторы қызғылт сары түспен жыпылықтайды.

Бағдарламалық құралды жаңарту мүмкін болмады.

Егер желі қосылымы сенімді болмаса, жаңарту аяқталуға дейін сәтсіз болуы мүмкін. USB флэш-жады арқылы жаңарту үшін келесі бөлімді қараңыз.

USB флэш-жады арқылы қолмен жаңарту (желі арқылы жаңарту сәтсіз аяқталғанда)

Тұспал

  • UPDATE индикаторының жыпылықтау саны жаңарту барысын көрсетеді. UPDATE индикаторы алғашында төрт рет жыпылықтайды және біртіндеп азаяды, содан кейін жаңарту аяқталған кезде өшеді. Жаңарту кезінде динамикті өшірмеңіз.
  • Динамик интернетке сымды немесе Wi-Fi желісі арқылы қосылған кезде және динамик жаңа бағдарламалық құрал нұсқасын тапқанда динамиктегі UPDATE түймесі қызғылт сары түспен жанады. (UPDATE индикаторы әдетте өшірулі.)
  • Динамик жаңа бағдарламалық құрал нұсқасын тапқанда [Auto Update] параметріне қарамастан UPDATE индикаторы қызғылт сары түспен жанады.
  • [Auto Update] параметрі іске қосылса да, бағдарламалық құралды қолмен жаңартуға болады. «2-жаңарту әдісі: Интернет арқылы қолмен жаңарту» бөлімін қараңыз.

Ескерту

  • Әдетте, жаңарту 3-10 минут уақытқа созылады. Желі ортасына байланысты ұзағырақ уақытқа созылуы мүмкін.
  • Жаңарту барысында динамикті пайдаланбаңыз. Сондай-ақ, жаңарту барысында динамикті қуат көзіне және желіге қосулы ұстаңыз.
  • Интернет арқылы жаңартқанда және UPDATE индикаторы төрт рет жыпылықтағанда UPDATE/WPS түймесін ұстап тұрып жаңартуды аяқтауыңызға болады. (Бұл әрқашан мүмкін емес.) Егер жаңартудан бас тартсаңыз, ЖАҢАРТУ индикаторы қайта жанулы күйде қалады.
Бет үстіне өту