Мерки на претпазливост

Погледнете во „Забелешки за користење“ во Водичот за запознавање (испорачан) за овој производ.

Користиме материјали за пакување што не се штетни за животната средина

За фотоапаратот и испорачаните додатоци се употребени материјали за пакување што не се штетни за животната средина. Поради карактеристиките на материјалите за пакување, имајте ги предвид следниве точки.

  • Правта итн. од материјалите за пакување може да се прилепи на фотоапаратот или испорачаните додатоци. Во тој случај, отстранете ја правта со комерцијално достапна дувалка или хартија за чистење пред да почнете да ги користите производите.
  • Материјалите за пакување ќе се распаднат со континуирана употреба. Внимавајте кога го носите производот во пакувањето.

Повеќе за податоците и спецификациите наведени во овој прирачник

  • Податоците и спецификациите во овој прирачник се однесуваат на нормална амбиентална температура од 25ºC (77°F), освен доколку поинаку не е посочено.
  • Податоците за комплетот батерии се однесуваат на комплет батерии што е целосно наполнет сѐ до исклучување на лампата за полнење.

За работната температура

  • Не се препорачува фотографирање во екстремно ладни или екстремно топли опкружувања.
  • При висока амбиентална температура, температурата на фотоапаратот брзо расте.
  • Ако расте температурата на фотоапаратот, може да се влоши квалитетот на сликата. Се препорачува да се почека со фотографирањето сѐ дури температурата на фотоапаратот не се намали.
  • Во зависност од температурата на фотоапаратот и батеријата, фотоапаратот може да не може да снима филмови или напојувањето може автоматски да се исклучи за да го заштити фотоапаратот. Ќе се прикаже порака на екранот пред да се исклучи уредот или пак повеќе нема да можете да снимате филмови. Во овој случај, оставете го уредот исклучен и почекајте додека не се намали температурата на фотоапаратот и батеријата. Ако го вклучите уредот без да дозволите фотоапаратот и батеријата доволно да се изладат, напојувањето може повторно да се исклучи или пак сè уште нема да можете да снимате филмови.

Забелешки за снимање во долги временски периоди или снимање 4K филмови

  • За време на употребата, фотоапаратот и батеријата може да се загреат. Тоа не е дефект.
  • Особено за време на снимањето на 4K, времето на снимање може да биде пократко во услови на ниска температура. Затоплете го комплетот батерии или заменете го со нова батерија.

Забелешки за репродукција на филмови на други уреди

XAVC HS и XAVC S филмовите може да се репродуцираат само на компатибилни уреди.

Забелешки за снимањето/репродукцијата

  • Пред да започнете со снимање, направете пробна снимка за да се уверите дека фотоапаратот правилно работи.
  • Снимената слика може да се разликува од сликата што сте ја виделе на екранот пред снимањето.
  • Репродукцијата на слики снимени со производот на друга опрема и репродукцијата на слики снимени или уредени со друга опрема на производот не се гарантирани.
  • Sony не може да обезбеди никакви гаранции во случај на неможност да се снима, или на губење или оштетување на снимените слики или аудио податоци, поради дефект на фотоапаратот или медиумите за снимање итн. Препорачуваме да направите резервна копија на важните податоци.
  • Откако ќе ја форматирате мемориската картичка, сите податоци снимени на мемориската картичка се бришат и не може да се обноват. Пред форматирањето, копирајте ги податоците на компјутер или друг уред.
  • Прикачете го ременот за преку рамо на фотоапаратот за да спречите негово паѓање.
  • Кога го користите овој производ со статив или држач, задолжително добро прицврстете го фотоапаратот.

Забелешки за користење статив

Користете статив со завртка која е пократка од 5,5 мм (7/32 инчи). Во спротивно, нема да можете да го прицврстите фотоапаратот и можно е да дојде до оштетување на фотоапаратот.

Забелешки за ракувањето со мемориски картички

Температурата на мемориските картички може да порасне по зачувувањето. Тоа не е дефект.

Правење резервна копија на мемориските картички

Податоците може да се оштетени во следните случаи. Направете резервна копија на податоците за заштита.

  • Ако мемориската картичка се отстрани, USB-кабелот се исклучи или производот се исклучи во текот на операцијата за читање или пишување.
  • Ако мемориската картичка се користи на локации што се подложни на статичка енергија или електричен шум.

Грешка во датотеката со базата на податоци

  • Ако во производот вметнете мемориска картичка која не содржи датотека со база податоци на слики и ако го вклучите, производот автоматски ќе создаде датотека со база податоци на слики користејќи дел од капацитетот на мемориската картичка. Овој процес може да потрае подолго време и додека не заврши нема да може да ракувате со производот.
  • Ако настане грешка во датотеката со базата на податоци, извезете ги сите податоци на вашиот компјутер и сл., за да ги зачувате, а потоа форматирајте ја мемориската картичка со помош на овој производ.

Не користете/складирајте го производот на следниве места

  • На екстремно топло, студено или влажно место
    На места како автомобил паркиран на сонце, телото на фотоапаратот може да се деформира и тоа да предизвика дефект.
  • Складирање под директна сончева светлина или во близина на греалка
    Телото на фотоапаратот може да ја изгуби бојата или да се деформира и тоа да предизвика дефект.
  • На место подложно на вибрации со нишање
    Може да предизвика дефект или неможност да снима податоци. Покрај тоа, медиумите за снимање може да станат неупотребливи, а снимените податоци може да се оштетат.
  • Во близина на силно магнетно место
  • На места со песок или со прав
    Внимавајте да не навлезе песок или прав во производот. Тоа може да предизвика дефект кај производот, а во некои случаи дефектот може да биде непоправлив.
  • На места со голема влажност на воздухот
    Може да предизвика создавање мувла на објективот.
  • Во области каде што се емитуваат силни радио бранови или зрачење
    Снимањето и репродукцијата може да не функционираат правилно.

За кондензацијата на влага

  • Доколку производот се внесува директно од ладна во топла локација, влагата може да се кондензира во или надвор на производот. Кондензирањето на влагата може да предизвика дефект кај производот.
  • За да спречите кондензација на влага кога производот го носите директно од ладно на топло, прво ставете го во пластична кеса и затворете го за да спречите навлегување воздух. Почекајте околу еден час додека температурата на производот не ја достигне амбиенталната температура.
  • Ако настане кондензација на влага, исклучете го производот и почекајте околу еден час за влагата да испари. Имајте предвид дека ако се обидете да снимате со влага во објективот, нема да може да снимате јасни слики.

Мерки за претпазливост при носењето

  • Не ги држете, удирајте или не нанесувајте прекумерна сила на следните делови, доколку вашиот фотоапарат е опремен со нив:
    • Делот за објективот
    • Делот за подвижниот екран
    • Делот за подвижниот блиц
    • Делот за подвижниот визир
  • Не носете го фотоапаратот прикачен со статив. Може да предизвика кршење на отворот за навртување на стативот.
  • Не седнувајте на столица или на друго место додека фотоапаратот ви е во џебот од панталоните или здолништето, бидејќи ова може да предизвика дефект или да го оштети фотоапаратот.

Забелешки за ракување со производот

  • Овој фотоапарат не е отпорен на прав, на капки вода или на вода.
  • Пред да го поврзете кабелот со приклучокот, проверете ја ориентацијата на приклучокот. Потоа, вметнете го кабелот директно. Не вметнувајте го и не отстранувајте го кабелот насилно. Може да предизвика кршење да делот за приклучокот.
  • Фотоапаратот користи магнетни делови како и магнети. Не приближувајте магнетизирани предмети како што се кредитни картички или дискети до фотоапаратот.

За складирањето

  • За фотоапарати со вграден објектив
    Секогаш прикачувајте го капачето на објективот кога не го користите фотоапаратот. (Само за модели со испорачано капаче за објектив)
  • За фотоапарати со заменлив објектив
    Секогаш прикачувајте го предното капаче за објективот или капачето за телото кога не го користите фотоапаратот. За да спречите навлегување прашина или нечистотии во фотоапаратот, отстранете ја прашината од капачето на телото пред да го прикачите на фотоапаратот.
  • Ако фотоапаратот е валкан после употреба, исчистете го. Водата, песокот, прашината, солта итн. оставени во фотоапаратот може да предизвикаат дефект.

Забелешки за користењето на објективите

  • Ако мора да го изложите фотоапаратот на извор на светлина како сончева светлина, тогаш прикачете го капачето за објектив на фотоапаратот. (Само за модели со испорачано капаче за објектив или фотоапарати со заменлив објектив)
  • Ако сончевата светлина или друг силен извор на светлина навлезе во фотоапаратот преку објективот, светлината може да се собере во една точка во фотоапаратот и да предизвика чад или пожар. Ставете го капачето на објективот кога ќе го складирате фотоапаратот. Ако снимате со задно осветлување, тогаш сонцето треба да биде доволно оддалечено од аголот на приказ. Имајте предвид дека може да дојде до појава на чад или пожар ако изворот на светлина не е многу оддалечен од аголот на приказ.
  • Не изложувајте го објективот директно на зраци, како ласерски зраци. Може да предизвикаат оштетување на сензорот за слика и дефект на фотоапаратот.
  • Ако објектот се наоѓа премногу близу, на сликата може да се покаже прашина или отпечатоци од прсти на објективот. Избришете го објективот со мека крпа итн.

Забелешки за блицот (Само за модели со блиц)

  • Прстите држете ги подалеку од блицот. Делот што емитува светлина може да се загрее.
  • Отстранете ја нечистотијата од површината на блицот. Нечистотијата на површината на блицот може да испушта чад или да согори поради топлината што се создава од емисијата на светлина. Ако има нечистотија/прашина, исчистете ја со мека крпа.
  • Вратете го блицот во првобитната положба откако ќе го искористите. Проверете дали делот од блицот не е испакнат. (Само за модели со подвижен блиц)

Забелешки за приклучокот за повеќе интерфејси (само за модели со приклучок за повеќе интерфејси)

  • При прикачување или отстранување галантерија на или од приклучокот за повеќе интерфејси, најпрво исклучете ја и галантеријата и фотоапаратот. Кога прикачувате галантерија, потврдете дека е добро прицврстена за фотоапаратот.
  • Не употребувајте приклучок за повеќе интерфејси со комерцијално достапен блиц што применува напон од 250 V или повеќе или има спротивен поларитет на фотоапаратот. Тоа може да предизвика дефект. (Само за модели што поддржуваат снимање со блиц)

Забелешки за визирот и блицот (Само за модели со визир и блиц)

  • Внимавајте да не си го приклештите прстот кога ги притискате визирот или блицот. (Само за модели со подвижен визир или подвижен блиц)
  • Ако вода, песок или прашина се налепат на визирот или на блицот, може да предизвикаат дефект. (Само за модели со подвижен визир или подвижен блиц)

Забелешки за визирот (Само за модели со визир)

  • Кога фотографирате преку визирот, можно е да почувствувате симптоми како замор на очите, замор, вртоглавица или гадење. Ви препорачуваме да правите паузи на редовни интервали кога фотографирате преку визирот.
    Ако почувствувате симптоми на неудобност, престанете да го користите визирот и обратете се кај вашиот лекар доколку е потребно.
  • Иако визирот е изработен со високопрецизна технологија со 99,99% или повеќе ефективни пиксели, може да се појават црни точки, а белите, црвените, сините и зелените точки може да не исчезнат. Тоа не е дефект. Овие точки не се снимени.
  • Не притискајте го насилно визирот кога окуларот е извлечен. Тоа може да предизвика дефект. (Само за модели со подвижен визир и окулар што може да се извлече)
  • Ако го поместувате фотоапаратот додека гледате низ визирот или ако ги движите очите, сликата во визирот може да се изобличи или боите на сликата може да се сменат. Ова претставува карактеристика на објективот или на екранот, а не дефект. Кога фотографирате слика, препорачуваме да гледате во централниот дел на визирот.
  • Сликата може да биде малку изобличена на аглите од визирот. Тоа не е дефект. Ако сакате да ја погледнете целата композиција до детаљ, исто така можете да го користите екранот.
  • Ако го користете фотоапаратот на студено место, сликата може да има светлосни траги. Тоа не е дефект.
  • Кога температурата на фотоапаратот се менува, тоновите на бојата на дисплејот на визирот може да се променат поради карактеристиките на дисплејот.
  • Не изложувајте го визирот директно на зраци, како ласерски зраци. Може да ја оштетат внатрешноста на визирот и да предизвикаат дефект на фотоапаратот.

Забелешки за екранот

  • Иако мониторот е изработен со високопрецизна технологија со 99,99% или повеќе ефективни пиксели, може да се појават црни точки, а белите, црвените, сините и зелените точки може да не исчезнат. Тоа не е дефект. Овие точки не се снимени.
  • Не притискајте го екранот. Тој може ја изгубил бојата и тоа може да предизвика дефект.
  • Ако на екранот има капки вода или други течности, избришете го со мека крпа. Ако остане мокар, неговата површина може да се промени или да се оштети. Ова може да предизвика дефект.
  • Ако го користете фотоапаратот на студено место, сликата може да има светлосни траги. Тоа не е дефект.
  • Ако ги поврзете каблите со приклучоците на фотоапаратот, може да се ограничи опсегот на ротација на екранот. (Само за модели со подвижен панел.)

Забелешки за сензорот за слика

Ако го насочите фотоапаратот кон исклучително силен извор на светлина додека фотографирате слики со ниска чувствителност ISO, означените површини на сликите може да се снимат како црни површини.

Информации за компатибилноста на податоците за слики

Производот е во согласност со универзалниот стандард DCF (Правила за дизајн на датотечен систем на фотоапарат) воспоставен од JEITA (Здружение на индустриите за електроника и информатичка технологија на Јапонија).

Услуги и софтвер обезбедени од други компании

Мрежните услуги, содржините и [оперативниот систем и] софтверот на овој производ може да подлежат на посебни правила и услови и може да се променат, прекинат или откажат во секое време, а за нив може да се наплатат трошоци, да биде потребна регистрација и информации од кредитна картичка.

Забелешки за поврзувањето на интернет

  • При поврзување на безжична LAN мрежа, овој фотоапарат не може да се поврзе со пристапна точка која користи само WEP или WPA, кои се безбедносни методи со потенцијални ранливости.
  • Овој фотоапарат не е мрежен уред (на пр., рутер или свич-хаб). Силно препорачуваме овој фотоапарат да се поврзува со мрежа што може правилно да се конфигурира и управува, за да се заштити од мрежни напади како што се DoS (Denial of Service) напади.
  • Кога го поврзувате фотоапаратот со мрежа, поврзете го преку правилно конфигуриран и управуван рутер или поврзете го на LAN-порт со иста функционалност како таков рутер. Доколку не го поврзете на овој начин (на пример, ако го поврзете на бесплатна Wi-Fi мрежа), може да се појават безбедносни проблеми. Правилната конфигурација на рутерот ќе обезбеди доволна заштита од DoS напади или губење на функционалноста на уредите во мрежата. Ако забележите некаква неправилност, веднаш исклучете го фотоапаратот од мрежата.

Белешки за безбедноста

  • Ако ја поставите опцијата [Security] на [None] во поставките за безжична LAN мрежа на фотоапаратот и го поврзете фотоапаратот со пристапна точка, безжичната комуникација помеѓу фотоапаратот и пристапната точка нема да биде шифрирана, а трети лица во опсегот на сигналот може да ја пресретнат содржината на комуникацијата. Користете WPA3 или WPA2, кои се побезбедни методи за заштита.
  • SONY НЕМА ДА ОДГОВАРА ЗА КАКОВ БИЛО ВИД ШТЕТИ НАСТАНАТИ ПОРАДИ НЕСПРОВЕДУВАЊЕ НА СООДВЕТНИТЕ БЕЗБЕДНОСНИ МЕРКИ НА УРЕДИТЕ ЗА ПРЕНОС, НЕИЗБЕЖНИТЕ ЗАГУБИ НА ПОДАТОЦИ ПРЕДИЗВИКАНИ ОД СПЕЦИФИКАЦИИТЕ НА ПРЕНОСОТ ИЛИ ДРУГИ БЕЗБЕДНОСНИ ПРОБЛЕМИ.
  • Во зависност од околината за користење, неовластени трети страни на мрежата може да имаат пристап до производот. Кога го поврзувате фотоапаратот со мрежа, потврдете дека мрежата е безбедно заштитена.

Изборна галантерија

  • Се препорачува да користите оригинална галантерија од Sony.
  • Одредена галантерија од Sony е достапна само во одредени земји и региони.

Достапни модели и комплети

Одредени модели и комплети се достапни во одредени земји и региони.

TP1001792185