Поставување на јазик, датум и време

Екранот за поставување јазик, датум и време се прикажува автоматски кога за прв пат ќе го вклучите производот, ќе го иницијализирате производот или кога ќе се испразни внатрешната резервна батерија на полнење.

  1. Префрлете го преклопникот за напојување на „“ (Вклучено) за да го вклучите фотоапаратот.
  2. Изберете го саканиот јазик и потоа притиснете во средината на контролното тркалце.
  3. Проверете дали на екранот за потврда на зоната/датумот/времето е избрана опцијата [Enter] (Внеси), а потоа притиснете во средината на контролното тркалце.
  4. Изберете ја саканата географска локација, поставете ја функцијата [Daylight Savings] (Летно сметање на времето), а потоа притиснете во средината.
    • Функцијата [Daylight Savings] (Летно сметање на времето) може да се вклучи/исклучи со помош на горната/долната страна на контролното тркалце.
  5. Поставете го форматот на датумот (година/месец/ден) и притиснете во средината.
  6. Поставете ги датумот и времето (час/минута/секунда) и притиснете во средината.
    • За повторно поставување на датумот и времето или географската локација, изберете MENU > (Setup (Поставување)) > [Area/Date] (Зона/Датум) > [Area/Date/Time Setting] (Поставување зона/датум/време).
  7. Следете ги инструкциите на екранот за да ја поставите функцијата [Auto Power OFF Temp.] (Температура за автоматско исклучување) доколку е потребно.

За одржувањето на датумот и времето

Фотоапаратот има внатрешна батерија на полнење што ги одржува датумот и времето и другите поставки, без разлика дали напојувањето е вклучено или исклучено и дали комплетот батерии е наполнет или испразнет.

За да ја наполните внатрешната резервна батерија на полнење, во фотоапаратот вметнете наполнет комплет батерии и оставете го производот 24 или повеќе часа со исклучено напојување.

Ако часовникот се ресетира секогаш кога се полни комплетот батерии, внатрешната резервна батерија на полнење може да е истрошена. Консултирајте се со вашиот сервисер на Sony.

Совет

  • Ако го поврзете фотоапаратот со паметен телефон преку функцијата за Bluetooth, тогаш со фотоапаратот ќе можете да ракувате преку паметниот телефон и да префрлувате слики од фотоапаратот во паметниот телефон. За да го поврзете фотоапаратот со паметен телефон, поставете ги датумот и времето, а потоа следете ги инструкциите на екранот за да го извршите впарувањето.

Забелешка

  • Ако поставувањето на датумот и времето се откаже на половина пат, екранот за поставување на датумот и времето ќе се појавува секогаш кога ќе го вклучите фотоапаратот.
  • Вградениот часовник на фотоапаратот може да покажува грешки со времето. Прилагодувајте го времето во редовни интервали.
Одете најгоре на страницата